सुंदरकांड (राजस्थानी भावानुवाद) / वसंत जमशेदपुरी

सुंदर काण्ड अपणां राजस्थानी भाषा भासी लोग कै नीकां समझ में आ सकै, ईं लियां भाई वसंत जमशेदपुरी जी सुंदर काण्ड को सहज राजस्थानी (मायड़) भाषा में अनुवाद कर्या छै। जो भाषा का संवर्धन खातर भी एक महतवपूर्ण काम छै। सुंदर काण्ड का अनुवाद की राजस्थानी भाषा भौत ही सरल छै। रामायण की भाषा का केई सबद राजस्थान का लोगबागां कै लियां अणजाण होबा कै कारण अवधी में लिख्योड़ी चौपायां अर दोहां का भावां नै समझबा में थोड़ी दिक्कत होवै छै। पण ईं को अपणी घूंटी की बोली मतलब मायड़ भाषा में अनुवाद मामूली समझ राखबा वाळा कै भी आसानी सैं पढ़बा में, समझबा में अर आत्मसात करबा में कोई परेसानी कोनै आवै।