अंगिका कहानी कोश / सम्पादक: अनिरुद्ध प्रसाद विमल

आधुनिक अंगिका कहानी समकालीनता आरो आम जनजीवन के विविध पक्ष केॅ पूर्ण सफलता के साथ उदघाटित करै वाली कहानी छै। समकालीन अंगिका कहानी के प्रतिनिधित्व करै के तमाम क्षमता सें लवरेज ई सब कहानी के चरित्र प्रतिकूल परिस्थिति में भी आपनोॅ होय के सार्थकता सिद्ध करतें हुअें आपनोॅ देशकाल के सीमा के बोध करावें में सक्षम छै। जीवन के लगभग सभ्भें पक्ष के उदघाटित-विश्लेशित करै वाली संकलन के कहानी में हृदय में उफनी रैल्होॅ रागतत्व के क्षिप्रता केॅ, पुरानोॅ सड़लोॅ-गललोॅ रूढ़ि के ध्वस्त करी के नया रचै के हिम्मत भरलोॅ प्रेरणा भी छै। अंगिका में ऐसनोॅ ढेरी चरित्र छै जहाँ एक तरफ प्रेमाकुल हृृदय रोॅ मधुर संगीत निनांदित छै तेॅ दोसरोॅ तरफ परंपरा आरो रूढ़ि के विरोध में खाड़ोॅ आपनोॅ जीवन संघर्ष सें प्रेरित-आन्दोलित करै के ताकत सें भी भरलोॅ छै।